Кајли Миног

Жртва на погрешна дијагноза за ракот на дојката

Во неодамнешното телевизиско шоу на Елен Деџенерис, Кајли Миног раскажа дека нејзините доктори прво и' поставиле погрешна дијагноза, кажувајќи и' дека е сосема здрава. Сепак, набрзо и' беше откриен рак на дојката. Имено, во мај 2005 година, популарната австралиска пејачка го откажа гостувањето на фестивалот „Гластонгури“ и остатокот од тогашната светска турнеја „Шоугрлс“. Подоцна се дозна дека има рак на дојката и дека се наоѓа во болницата во Мелбурн. Пејачката имаше 37 години. Кај Елен Деџенерис кажа за лажната дијагноза и непрофесионалноста на медицинскиот тим што се грижел за неа. Во јавноста владееше особено голем интерес за здравствената состојба на џебната Венера, па дури и австралискиот премиер Џон Хауард јавно и' посака брзо закрепнување и колку што е можно побрзо враќање на музичката кариера. По хируршката интервенција, Кајли отпатува на хемотерапија на институтот „Густав-Рус“ во близината на Париз. „Третманот на хемотерапија е како да ве погодила нуклеарна бомба“, рече Кајли.