Џорџ Клуни

Вечниот ерген ќе се жени

Американскиот актер Џорџ Клуни, кој досега важеше за закоравен ерген, наскоро би требало да застане на лудиот камен. Барем така тврди германскиот таблоид „Билд“, кој пишува дека холивудскиот срцекршач ја побарал раката на својата девојка, Елизабета Каналис, и дека венчавката ќе уследи во најбрзо време, иако не е закажан датумот.

Повикувајќи се на извори блиски на бившата италијанска манекенка, таблоидот наведува дека Клуни ја побарал за жена Елизабета на традиционален начин, барајќи ја нејзината рака од нејзиниот „многу католички татко Чезаре“.

Клуни и неговата девојка моментално се одмораат во друштво на нејзините родители, во вилата на актерот во Лос Кабос, во Мексико.