(ВИДЕО) Барселона втор финалист во „Кралскиот Куп“
Головите за победа на Барса ги постигнаа Фабрегас во 16. и Чави во 81. минута.
Барселона е вториот финалист во националниот Куп, откако во возвратниот дуел ја совлада Валенсија со 2:0.
Головите за победа на Барселона ги постигнаа Фабрегас на асистенција на Меси, во 16. минута и Чави на асистенција на фабрегас во 81. минута. Валенсија мечот го заврши со играч помалку, откако на 15 минути до крајот црвен картон доби Фегули.
Противник на Барселона во финалето на „Копа дел Реј“ ќе биде Атлетик Билбао, Баскијците во полуфиналето со вкупни 8:3 го елиминираа третолигашот Мирандес.
Финалниот меч ќе биде дуел на најтрофејните екипи во „Копа дел Реј“, Барса има 25 титули во ова натпреварување, последната во 2009 година, додека Атлетик, кој има 23 куп титули, последната ја има освоено далечната 1984 година.
Финалниот натпревар ќе биде одигра на 25. мај, а во комбинација за одигрување на мечот за титулата е и стадионот на Реал Мадрид „Сантијаго Бернабе“.
