09.02.2012, 13:19 Дополнителни 127 учебници достапни на порталот e-ucebnici.mk
Дополнителни 127 учебници од трето до осмо одделение во дигитална форма се објавени на интернет-страницата e-ucebnici.mk - проект на министерствата за информатичко општество и образование и наука.
Порталот е дигитална библиотека за чување, пребарување и разгледување на електронски учебници наменети, пред се, за учениците во основно и средно образование, но и за нивните наставници и родители. Учебниците може да се пребаруваат по одделение, наслов или автор.
Целта на проектот е со помош на современи технологии бесплатно и во кое било време и место да се читаат и преземаат наставните содржини.
|
