09.02.2012, 15:22 Хрватска ќе укинува празници за да ги намали трошоците на фирмите
Хрватската Влада сериозно размислува за укинување на два државни и еден верски неработни празник, со цел да се намалат трошоците на работодавците и да се зголемат приходите на државата.
Станува збор за Денот на антифашистичката борба, кој се одбележува на 22 јуни, Денот на државноста на 25 јуни и верскиот празник Тело Христово, кој се слави 50 дена по католичкиот Велигден.
Весникот „Нови лист“ наведува дека министрите на вчерашната потесна средба на владиниот кабинет се залагале Денот на антифашистичката борба, Денот на државноста и верскиот празник Тело Христово повеќе да не бидат неработни денови.
Иако, конечната одлука се' уште не е донесена, висок владин извор за весникот потврди дека со овој чекор државата ќе може да направи значителна заштеда. Во случај предлогот да биде прифатен, овие денови ќе добијат статус на спомен-денови. |
