14.10.2011, 14:04 Возач на ЈСП нападнат во Сарај
Возач на ЈСП „Скопје“ бил претепан од тројца жители на Сарај. Инцидентот се случил во четвртокот околу 19,30 часот. Возачот на автобусот број „56“, кој сообраќал до селото Копаница, стоел на семафор во населбата Карпош кога еден од напаѓачите сакал да се качи во автобусот. Возачот не ја отворил вратата, а потоа запрел на блиската станица. Патникот се качил во автобусот и почнал да му се заканува на возачот. Потоа, кога стигнале во Сарај, насилниот маж добил засилување од уште две лица и сите заедно го удирале возачот, по што побегнале. Истрагата е во тек. (Г.А.)
|
