„Балкански музички награди“
Елена Ристеска со најдобра песна од Македонија
Македонската поп-пејачка Елена Ристеска ја доби наградата за најдобра песна од Македонија на Балканот за 2010 година за песната „Сакам по добро да те памтам“ што и' беше доделена на манифестацијата „Балкански музички награди“, која се одржа по вторпат во саботата вечер на плоштадот „Александар Батенберг“ во Софија.
Ексклузивката на „М-2 продукција“ настапи со наградената песна за која музиката и аранжманот ги направи Дарко Димитров, а автор на текстот е самата Елена Ристеска. Спотот го режираа Ани и Дими, а монтажата ја направи Џулијани.
Покрај Ристеска, во Софија пееше и Есма Реџепова-Теодосиевска, а како специјален гостин се појави маестро Борис Трајанов, кој додели една од наградите.
Манифестацијата беше во организација на балканската музичка телевизија Балканика. |
