Орав на „Бихаќска“

Лидерот на СДСМ, Бранко Црвенковски, се сретна со шефот на делегацијата на Европската унија во Македонија, амбасадорот Аиво Орав.

Црвенковски го поздравил почнатиот дијалог меѓу Македонија и ЕУ и нагласил дека посоченит�� реформи од страна Унијата во критичните области, доколку бидат реализирани, ќе бидат поздравени од сите граѓани и општествени чинители, но за тоа е потребна политичка волја од власта.

Амбасадорот Аиво истакнал дека земјата треба да биде посветена на остварување на потребните реформи заради што побрзо почнување на преговорите, што треба да биде цел на секоја земја кандидат за членство во ЕУ.

Двајцата соговорници се согласиле дека евроатлантските перспективи се многу важни за земјата и дека почнатиот дијалог на високо ниво мора да дава резултати ако земјата навистина сака да стане членка на ЕУ.