Анџелина Џоли

Дрогирана за време на ТВ-интервју

Човекот што тврди дека бил дилер на Анџелина изјави оти актерката била на кокаин за време на телевизиско интервју во 2000 година. Како што рече Франклин Мејер, тогаш 25-годишната Анџелина Џоли го посетила пред и по интервјуто со Чарли Роус за да купи кокаин. „Ја зеде коката, направи шоу и се врати назад по нова доза“, изјави Мејер за списанието „Лајф енд стајл“. Интересно е тоа што во интервјуто Џоли зборуваше дека и' било тешко да се одвои од ликот Џија Каранд, манекенка и зависничка од хероин, која е опишана во филмот „Џија“. Исто така, зборувала многу брзо, па затоа водителот неколку пати ја замолил да ја појасни својата мисла. Мејер, кој во 2002 година минал осум месеци в затвор поради поседување кокаин, рече дека се запознал со Анџелина во њујоршкиот хотел „Џелзи“ во 1997 година, каде што актерката два-три пати неделно, во хотелот или во својот апартман купувала дрога од него. Во просек трошела околу сто долари за грам кокаин и десетина грама хероин, додаде Мејер.