Обама и Медведев отворија нова ера

САД сакаат да ја видат Русија силна, самоуверена и во подем

Од нашиот дописник
Бранко Влаховиќ

МОСКВА - САД сакаат да ја видат Русија силна, самоуверена и во подем. Ние ги почитуваме рускиот народ и неговата историја. Глобалното партнерство ќе се зајакне ако Русија почне да ја игра улогата што и' доликува како на голема држава, изјави вчера во Москва американскиот претседател Барак Обама, во говорот на свечената промоција на студенти од Високата економска школа во Москва. Говорот на американскиот претседател во Вашингтон го најавија како „програмски“, значи од голема важност, бидејќи зборуваше и за минатото и за иднината. Обама потсети дека народите на САД и на Русија никогаш меѓусебно не војувале, туку заедно се бореа против фашизмот.

„Потребна е не само нова страница во нашите односи, туку мора да се рашири и дијалог, кој ќе отвори пат кон напредок. Ние имаме заеднички очекувања и интереси“, изјави Обама. Тој објасни дека САД сакаат да соработуваат со Русија на создавање „нова конфигурација на безбедност во Европа и во светот“. Американскиот претседател истакна дека една од опасностите за ширење на атомското оружје и на ракетните технологии, и создавањето на одредена заштита од тие опасности, би можела да биде ПРО. Тој искрено кажа дека меѓу Русија и САД во однос на прашањето за ПРО, и понатаму има разлики, бидејќи во Москва се мисли оти американската ПРО може да биде искористена против руските стратешки сили. Обама категорично изјави дека ПРО се прави само за спречување на напади од Иран и од Северна Кореја.

Оние кои се сеќаваат на разговорите меѓу Путин и Буш за ПРО мора да паметат дека и поранешната претседателска администрација ги користеше истите аргументи за ПРО како сега Обама. „НАТО треба да соработува со Русија, а не да бара конфронтација. Во поширока смисла, треба да се ��тремиме кон соработка и меѓусебно уважување меѓу сите народи во светот“, изјави Обама.

Во говорот пред московските студенти Обама истакна дека САД се залагаат за зачувување на територијалната целина на Грузија и Украина. Тој додаде дека земјите мора да имаат свои лидери и стабилни граници, што се однесува и на Русија и на САД. „Откажувањето од таквите права на границите ќе доведе до анархија. Америка никогаш нема на друга земја да и' наметнува каков било систем на безбедност“, изјави Обама. Алудирањето на американскиот претседател се однесува на тврдењата дека Вашингтон ќе го форсира влегувањето во НАТО не само на Грузија, туку и на Украина, иако на тоа се спротивставува мнозинството од населението во тие земји.

Претседателот на руската влада, Владимир Путин, вчера изутрина му беше домаќин на Обама на работниот појадок во Подмосковјето во Нови Огарјов. „Со вашето име ние ја поврзуваме надежта за подобар развој на односите меѓу двете земји, па затоа со задоволство го гледаме во Русија. Историјата на руско-американските односи е долга и различна. Имаше години на просперитет на нашите односи, но имаше и такви, доволно сиви, исто така, имаше и години на меѓусебно спротивставување“, изјави Владимир Путин.

„Русија и САД не можат да ги решат сите проблеми, но постојат сите можности односите меѓу нашите земји да се постават на цврста основа“, изјави Обама. Тој додаде дека знае за онаа голема работа што Путин ја заврши за рускиот народ додека беше претседател, но и сега додека работи како премиер.

Беше планирано Путин и Обама да разговараат најмногу 90 минути, а тие се задржаа повеќе од два часа. „Обама му вети на Путин дека во поголема мера ќе ја уважува загриженоста на Русија во однос на ПРО“, изјави поранешниот руски амбасадор во Вашингтон, Јуриј Ушаков, кој сега е заменик-раководител на администрацијата на рускиот премиер. „Никакво прецизно ветување не дадоа Американците, но се продолжува процесот на разгледување на општата ситуација, а Обама изјави оти сега повеќе ќе ја зема предвид руската загриженост околу ПРО“, изјави Ушаков. Обама повеќе пати повтори: ако Иран се откаже од воената атомска програма системот за противракетна опрема (ПРО) ќе ја изгуби смислата и нема да има причина да се монтира.

Претседателот на руската влада, Владимир Путин, вчера изутрина му беше домаќин на Обама на работниот појадок во Подмосковјето во Нови Огарјов. „Со вашето име ние ја поврзуваме надежта за подобар развој на односите меѓу двете земји, па затоа со задоволство го гледаме во Русија. Историјата на руско-американските односи е долга и различна. Имаше години на просперитет на нашите односи, но имаше и такви, доволно сиви, исто така, имаше и години на меѓусебно спротивставување“, изјави Владимир Путин.

„Русија и САД не можат да ги решат сите проблеми, но постојат сите можности односите меѓу нашите земји да се постават на цврста основа“, изјави Обама. Тој додаде дека знае за онаа голема работа што Путин ја заврши за рускиот народ додека беше претседател, но и сега додека работи како премиер.

Беше планирано Путин и Обама да разговараат најмногу 90 минути, а тие се задржаа повеќе од два часа. „Обама му вети на Путин дека во поголема мера ќе ја уважува загриженоста на Русија во однос на ПРО“, изјави поранешниот руски амбасадор во Вашингтон, Јуриј Ушаков, кој сега е заменик-раководител на администрацијата на рускиот премиер. „Никакво прецизно ветување не дадоа Американците, но се продолжува процесот на разгледување на општата ситуација, а Обама изјави оти сега повеќе ќе ја зема предвид руската загриженост околу ПРО“, изјави Ушаков. Обама повеќе пати повтори: ако Иран се откаже од воената атомска програма системот за противракетна опрема (ПРО) ќе ја изгуби смислата и нема да има причина да се монтира.