Лига на Европа
Работнички убедлив, Ренова се намачи
01.07.2011, 11:44
Нашите претставници во првото квалификациско коло во Лига Европа, Работнички и Ренова, постигнаа вкупно шест голови, а доста порасположени беа играчите на екипата од скопско Дебар Маало.
„Романтичарите“ остварија убедлива победа од 4:1 на гости кај Нарва Транс во Естонија, а сите четири голови беа постигнати од различни играчи. Така, резултатот во 16. минута го отвори Велковски, а по изедначувањето во 34. на домаќините, Маневски во 51. минута му донесе нова предност на нашиот претставник. Петковски во 73. и Гроздановски во 88. минута се погрижија реваншот во Скопје да биде чиста формалност за Работнички.
Вториот македонски претставник кој игра во 1.квалификациско коло во фудбалската Лига на Европа, екипата на Ренова синоќа го победи Гленторан со 2:1.
Головите за домаќинот на натпреварот кој се одигра на Националната Арена „Филип Втори Македонски“ во Скопје ги постигнаа Бобан Јанчевски во 14.минута од пенал и Муарем Бајрами во 87.минута.
За гостите од Северна Ирска кои натпреварот го завршија со девет фудбалери поради исклучувањата на Елиот Морис и Џејми МекГовен, единствениот погодок го постигна Колин Никсон во третата минута од судиското надополнувања во првото полувреме.
Реванш натпреварот во Северна Ирска е закажан за 7 јули.
|
