Претходен број

ИЗБОР

Маја Петрушевска е нова летна убавица на Македонија

Шеснаесетгодишната Маја Петрушевска од Скопје е победничка на Изборот за летна убавица 2008 што се одржа во саботата вечер на плажата пред хотелот „Десарет“ во Охрид. За прва и втора придружничка беа прогласени Стефанија Биновска (19) од Прилеп и осумнаесетгодишната скопјанка Наталија Славковска.

На изборот во организација на модното студио „Црнокрак“ учествуваа 12 финалистки кои се претставија пред публиката во костими за капење, модели од модната куќа „Васидора“ и во спортска варијанта. Покрај наградите од спонзорите, како и учество на победничката на некој од интернационалните избори на убавина, за кои студиото „Црнокрак“поседува лиценци, Маја Петрушевска доби и специјален подарок од членот на жирито, Велибор Џаровски- Џаро, кој и' вети снимање два видеоспота со Здравко Чолиќ.