„Газпром“ да не' вклучи во „Јужен поток“

Владата ќе направи се' за да ги убедиме претставниците на „Газпром“ дека постојат можности за вклучување на Македонија во транспортниот коридор „Јужен поток“, најави вчера министерот за финансии Зоран Ставрески. Делегација на руската компанија „Газпром“ в петок во Скопје ќе разговара со претставници на Владата за вклучување на Македонија во трасата на „Јужен поток“.

Според Ставрески, Владата ќе се обиде да ги убедат претставниците на „Газпром“ оти постојат можности за вклучување на Македонија во овој проект.

„Ќе направиме се' за да ги убедиме претставниците на ’Газпром‘ дека постојат можности што обезбедуваат и финансиска исплатливост на проектот за ’Газпром‘ и Македонија за се вклучи да земјава како транспортен коридор за ’Јужен поток‘ или да биде приклучена во соодветен крак, што е од значење за стабилноста и сигурноста за испораката на гас во иднина“, рече министерот Ставрески. Во составот на високата делегација на „Газпром“ ќе бидат двајца директори и потпретседатели на руската компанија. (МИА)