Грција попушта за пушењето
Иако стапи во сила пред само нецел месец, грчкото Министерство за здравство веќе ја разгледува можноста за измени на Законот за целосна забрана за пушење цигари на јавни места, објавуваат грчките сајтови. Тие наведуваат дека идејата за измени на Законот првенствено е резултат на големиот притисок од страна на сопствениците на ресторани и кафулиња, кои се жалат на намалени приход од стапувањето на забраната во сила. Како една од мерките за „олабавување“ на забраната се разгледува можноста за постоење два типа угостителски објекти, еден само за пушачи и друг тип за непушачи. Целосната забрана за пушење цигари на јавни места во Грција стапи во сила на 1 септември годинава. (МИА) |