Бајрами: Социјалната помош не доцни

Министерот за труд и социјална политика, Џељаљ Бајрами, обвини дека социјалците што протестираа за доцнење на еднократната помош биле инструирани од некого. „Не е вистина дека таа помош не се исплаќа. Само дадовме инструкции да се дава само во оние случаи што ги исполнуваат условите и да не се злоупотребуваат“, истакна вчера Бајрами. Според него, показател за напорите што ги прави Владата за подобрување на социјалната заштита се многуте проекти, кои, како што рече, не можеле ни за се замислат во минатото, како што се субвенцијата за електрична енергија, редовна исплата на социјална помош, условени парични трансфери за деца средношколци во семејства кои примаат социјална помош, редовна исплата на пензии. (МИА)