Повлечени нови 9,6 милиони евра од ЕИБ
Македонската банка за поддршка на развојот ја повлече петтата транша од Европската инвестициона банка вредна 9,6 милиони евра, со што вкупниот износ на повлечени средства од оваа кредитна линија се зголеми на 46 милиони евра. Од ЕИБ досега се одобрени 208 проекти со вкупна пресметковна вредност од 113,6 милиони евра, соопштија од МБПР. Сумата на вкупните кредити е поголема затоа што покрај ЕИБ во кредитирањето учествуваат и домашните банки.
Од одобрените средства 75 отсто од кредитите се за инвестиции, додека останатите 25 отсто се за трајни обртни средства. (Ек.Р.) |