Словенците на протести поради штедењето

Љубљана - Десетици илјади словенечки работници, меѓу кои полицајци, медицински лица, новинари, цариници и пожарникари, протестираа вчера поради владините економски мерки.

Околу 80 илјади државни службеници од 21 синдикат учествуваат во протестот.

„Не се планирани демонстрации. Наместо тоа, работниците ќе го спроведат штрајкот на работните места и согласно со законот минимално ќе ги извршуваат своите задачи“, изјави лидерот на синдикатот на државните службеници, Јанез Поседи. Синдикатите бараат Владата да се откаже од плановите за замрзнување на платите во јавниот сектор до 2012 година, во обид да го одржи буџетскиот дефицит под контрола за време на рецесијата. Тие, исто така, бараат кабинетот на премиерот Борут Пахор да го одржи ветувањето што го даде претходно оваа година за зголемување на платите.

Синдикатот на воените лица најави дека нема да учествува во протестот. (МИА)