Порака

Светски ден за поддршка на жртвите од тортура

26.06.2011, 12:18

Денеска се одбележува Денот за поддршка на жрвите од тортура. По тој повод народниот правобранител Иџет Мемети испрати порака да се почитуваат меѓународните закони со кои се забранува тортурата и нехуманото постапување и казнување. Чинот на тортура не може со ништо да се оправда, вели народниот правобранител.

Мемети вели дека државите во светот се обврзани да ги почитуваат и да преземаат ефективни законски, административни, судски и други мерки за да се спречи тортурата и да се обезбеди соодветен одговор на нејзиното манифестирање, но и обезбедување на целосна рехабилитација на нејзините жртви.

Но за жал, и покрај многубројните документи за забрана на тортурата и утврдените инструменти за превенција и заштита на луѓето од ова зло, конфликтите и тензиите во светот придонесуваат тортурата сеуште да биде реалност, стои во пораката на Мемети.