|
|
|
Русија
Најмалку 44 загинати во авионска несреќа
21.06.2011, 11:47
Најмалку 44 лица загинаа доцна синоќа, кога авион од типот Ту-134 на авиокомпанијата „Русер“ се урна во северозападниот руски регион Карелија, соопшти Министерството за вонредни состојби на Русија.
Во соопштението се наведуваа дека несреќата ја преживеале осуммина од 52-та патници и членови на екипажот на авионот. Преживеаните се здобиле со сериозни повреди и се наоѓаат во критична состојба.
Авионот летал на релација од Москва за Петрозаводск и се урнал при слетувањето на околу еден километар од пистата на петрозаводскиот аеродром.
Меѓу загинатите во авионската несреќа има и еден шведски државјанин.
Спасувачките екипи ги пронајдоа црните кутии и се работи на утврдување на нивната техничка состојба.
Според првичните резултати на истрагата, најверојатна причина за несреќата се лошите временски услови.
|
#
|
|
|
Статијата е прочитана 629 пати.
|
|
|
|
|
|
|
|
