Песимистички прогнози на СБ
Вашингтон - Светската економија очекува намалување за 0,9 отсто на растот во 2009 година како последица на продлабочување на финансиската криза, што ќе го намали и обемот на светската трговија, првпат во последните 26 години, соопшти Светска банка. Економиите на земјите во развој очекуваат веројатен годишен раст од 4,5 отсто, додека развиените економии очекуваат намалување за 0,1 отсто, велат од „Глобал економикс проспектс“. Прогнозите се забележливо помрачни отколку претходната прогноза на Светска банка за 2009 година, направена во јуни, за глобален раст од 3,0 отсто и 6,4 отсто за земјите во развој. Тие, исто така, се далеку попесимистични отколку прогнозата на ММФ од 6 ноември за тоа дека светската економија ќе се прошири за 2,2 отсто. (МИА) |
