02.05.2012, 13:25 Почина Хрватка избодена од илјада пчели
Хрватка почина во болница, откако беше нападната од рој пчели за време на прошетка на село, објави денеска Слободна Далмација.
Жената, која била избодена од околу илјада пчели, починала откако како последица на убодите речиси сите органи престанале да и функционираат, а крвниот притисок и паднал на 40.
Хрватката се движела по селски пат, кога минувајќи покрај 90 кошари, густ рој пчели наеднаш ја нападнал. Таа паднала на патот, обвиена со густ темен облак пчели, раскажуваат очевидци.
Хрватските спасувачки служби пристигнале брзо на местото на инцидентот и успеале да ги растераат пчелите со воден топ.
|
