Воз удри во „југо“, двајца се повредени



Две лица се повредени во несреќа која се случи вчера попладне околу 17 часот при судир на воз и „југо“. Според полицијата, несреќата се случила на потегот од железничката станица „Ѓорче Петров“ кон „Волково“, на патниот премин кај Ново Село.

Возот кој сообраќа на релација Скопје – Приштина удрил во автомобил „југо корал“ со скопски таблички. Во несреќата се повреди возачот на „југото“ З.М. (36) и неговиот сопатник 81-годишниот Г.М. Поради несреќата, за време на полицискиот увид, железничкиот сообраќај на овој дел од пругата беше во прекин.