07.07.2012, 18:15 Серија земјотреси во југозападна Македонија
Најсилниот од овие земјотреси се случи во 12 часот и 59 минути и е почувствуван во населените места во епицентралното подрачје со интензитет од 6 степени
Апаратите на Сеизмолошката опсерваторија при Природно- математичкиот факултет во Скопје, регистрираа серија земјотреси чии епицентри се наоѓаат на 25 километри северно од Охрид во подрачјето на Илинска планина, југозападна Македонија.
Најсилниот од овие земјотреси, соопшти Сеизмолошка опсерваторија, се случи во 12 часот и 59 минути и е почувствуван во населените места во епицентралното подрачје со интензитет од 6 степени според Европската макросеизмичка скала - 1998.
Според досегашните податоци овој земјотресот е почувствуван и во Битола, Дебар, Крушево, Кичево и Охрид со интензитет од 5 степени, а во Скопје, Велес, Тетово, Гостивар со интензитет од 4 степени според истата скала.
Серија земјотреси пред околу еден месец беа регистрирани во охридското подрачје со епицентар на Илинска планина, при што беа оштетени поголем број објекти во повеќе села во општина Дебрца.
|
