08.07.2012, 19:44 Федерер седми пат го освои Вимблдон!
Швајцарецот го доби финалето против Енди Мареј со 6-4, 5-7, 6-3, 6-4 и од утре повторно ќе биде светски рекет број еден
Швајцарецот Роџер Федерер по седми пат во својата кариера го освои Вимблдон откако денеска во финалето со 3-1, по сетови 6-4, 5-7, 6-3 и 6-4 го совлада домашниот фаворит Енди Мареј.
Со оваа победа, Швајцарецот по пауза од речиси четири години повторно се враќа на врвот во светскиот тенис, односно од утре повторно ќе биде на првото место на АТП ранг-листата. Федерер стигна до својот 17-ти грен слем трофеј во кариерата и вкупно седми на неофицијалното Светско првенство во тенис, со што се се израмни со Пит Сампрас според бројот на титулите на овој турнир. Енди Мареј имаше огромна желба да го скрши британското проглетство на Вимблдон, кое трае околу 70 години, но денеска не можеше против одличниот Роџер Федерер.
|
