Вилјаш-Боаш и официјално тренер на Тотенхем



Поранешниот стратег на Порто и на Челзи во наредните три години ќе застане на кормилото на спарси, а од раководството на клубот има на располагање 70 милиони фунти за засилувања во летниот преоден рок

Португалецот Андре Вилјаш-Боаш и официјално е промовиран во нов тренер на лондонскиот клуб Тотенхем. Поранешниот стратег на Порто и на Челзи во наредните три години ќе застане на кормилото на спарси, а од раководството на клубот има на располагање 70 милиони фунти за засилувања во летниот преоден рок. Се очекува од клубот да си замине Лука Модриќ, а како следна дестинација на Хрватот се споменуваат Реал Мадрид и Челзи.

Тијаго Силва до 2017 година во Милан

Дефанзивниот фудбалер на Милан, Тијаго Силва, ја продолжи верноста со „росонерите“ до 2017 година. И покрај големите шпекулации дека Бразилецот ќе си замине од миланскиот клуб, сепак, Силва останува во Милан, каде што ќе заработува шест милиони евра по сезона. Раководството на Милан успеа да одолее на високата понуда на ПСЖ од 42 милиони евра.

Амаури се пресели во Парма

Италијанскиот напаѓач Амаури конечно го пронајде клубот (Парма) во кој ќе ја продолжи кариерата, откако челниците на Фиорентина не сакаа да му го продолжат договорот. Бразилецот со италијански пасош се враќа во добро познатата средина за него. Во дресот на „млекарите“ Амаури настапи во сезоната 2010/2011, кога играше како зајмен фудбалер од Јувентус. За тој период одигра 11 натпревари на кои постигна седум погодока. Триесет и двегодишниот фудбалер играше во Парма во периодот од 2000 година до 2003 година, по што се пресели во Киево.

Исла и Асамоа го засилија Јувентус

Двајцата веќе поранешни играчи на Удинезе, Маурисио Исла и Квадво Асамоа, од следната сезона ќе играат за италијанскиот шампион Јувентус. „Старата дама“ ги откупи половично нивните договори, за кои издвои 18,4 милиони евра. Девет милиони евра вреди договорот на Асамоа, а 9,4 милиони на Исла.

Во трансферот е вклучен и младиот Кристијан Пасквато, кој замина во обратен правец. И тој ќе биде во сопствеништво на двата клуба, а Удинезе за него одвои 1,5 милиони евра.