05.07.2012, 13:46 Коринтијанс нов првак на Јужна Америка
На реваншот во Сао Паоло, Бразилците триумифираа со 2:0, откако претходно во Буенос Аирес одиграа 1:1 со трофејниот Бока јуниорс
Бразилскиот шампион ја освои и Јужна Америка. Коринтијанс прв пат во својата историја ја зграпчи титулата во Копа Либертадорес, совладувајќи ја Бока јуниорс во финалниот двомеч. На реваншот во Сао Паоло, Бразилците триумифираа со 2:0, откако претходно во Буенос Аирес одиграа 1:1 со трофејниот противник. Шоумен на вечерта беше напаѓачот Емерсон, кој ги постигна двата гола и тоа во второто полувреме (54 и 72 минута).
Ова е трета година во низа како титулата во престижното клупско натпреварување оди во земјата на самбата. Претходната владееше Сантос, а пред тоа Интернасионал. За Коринтијанс ова е прва титула во првото финале, а Бока не успеа да ја освои седмата во својата десетта завршница.
|
