Бахура
Ако вратата е затворена, влезете преку прозорец
10.07.2011, 12:55
Амбасадорот на Полска, земјата претседавач со Европската унија, Карол Бахура, вели дека и покрај нерешениот спор, не треба да се престане со реформите.
„Имаме една изрека во Полска. Ако вратите се затворени, влезете преку прозорец. Мислам дека некои работи не треба да бидат во заложништво на спорот за името. Постојат одредени реформи кои треба да се спроведат без оглед на тоа дали сакате да бидете членка на ЕУ и НАТО.“
Во неделното интервју за Радио Слободна Европа, Бахура вели дека Македонија секако треба да ги спроведе реформите.
„Македонија е дел од европскиот континент. Од тука има и обврски за земјата, посебно во 21 век. Сметам дека реформите ��о областа на судството, јавната администрација, имплементацијата на законите и политичкиот дијалог треба да се продолжат и треба да се имплементираат. Го делам мислењето на вашиот претседател, претседателот Иванов, дека Македонија е пример за земја во која има интеграција а не асимилација. Се надевам и дека ќе биде земја која ќе даде пример за усвојување на закони со нивна имплементација“, вели амбасадорот на Полска.
|
