Копа Америка
Фред го спаси Бразил од пораз
10.07.2011, 12:37
На Копа Америка комплетирано е второто коло во Група Б, Бразил се спаси од пораз против Парагвај, додека Венецуела изненадувачки го победи Еквадор.
Бразил ниту во вториот меч на Копа Америка не успеа да победи, анемичните „кариоки“ од пораз ги спаси Фред со погодокот кој го постигна во 90-та минута.
Претходно Бразил поведе со голот на Жадсон, додека Парагвај целосен пресврт направи, и стигна на чекор до победа, со головите на Санта Круз и Валдез.
На вториот дуел од групата Венецуела направи првокласно изненадување со минималната победа над Еквадор. По две кола во групата води Венецуела со четири бода, Парагвај и Бразил имаат по два, додека Еквадор освои еден бод.
Последното, трето коло во оваа група ги носи пресметките Бразил-Еквадор и Парагвај-Венецуела.
|
