Силен земјотрес во Јапонија, укината опасноста од цунами
10.07.2011, 12:16
Силен земјотрес со јачина од 7,3 степени утринава го погоди северо-источниот брег на Јапонија, а властите на кратко издадоа предупредување од цунами, кое во меѓувреме е укинато.
Поради новиот земјотрес евакуирани се работниците во нуклеарната електрана Фукушима, а од компанијата Тепко, која управува со Фукушима, изјавија дека на централата нема нови оштетувања.
Епицентарот на земјотресот бил недалеку од јапонскиот остров Хоншу, на длабочина од околу 10 километри.
Засега нема информации за евентуални жртви или причинета материјална штета.
Јапонија на 11. март беше погодена од катастрофален земјотрес со јачина од девет степени, земјотресот предизвика огромен цунами. Во катастрофата според последните податоци загинале или исчезнале повеќе од 23.000 луѓе.
|
