Фински туристи спасени во Преспа
Десет лица, од кои осуммина државјани на Финска биле спасени од ресенската полиција, откако ги зафатило силно невреме во водите на Преспанското Езеро. Како што соопшти МВР, завчера околу 23.30 часот по добиено телефонско известување од дежурниот на ресенската полиција, од страна на двајца униформирани полициски службеници кај Стење, со еден пловен објект и средства за спасување, упатена е патролна служба кон островот Голем Град за спасување на туристите.
Финските државјани преку туристичката агенција „Лале турс” од Охрид, сопственост на К.Б. (1991) од село Пештани, со два метални чамци биле на прошетка на островот и при враќање ги фатило големо невреме поради што не можеле да се вратат назад и побарале помош од полицијата. Лицата биле евакуирани вчераутро околу 2.40 часот. (МИА) |
