Влада
Иванов ќе му го врачи мандатот на Груевски
27.06.2011, 22:26
Претседателот Ѓорге Иванов денеска ќе му го врачи на лидерот на ВМРО-ДПМНЕ Никола Груевски мандатот за формирање влада, велат од кабинетот на шефот на државата.
По добивањето на мандатот, Груевски има 20 дена до Собранието да достави состав и програма на новата влада. Собранието ја избира владата со мнозинство гласови (најмалку 62 од вкупно 123 пратеници).
Генералниот секретар на ДУИ, Абдулаќим Адеми, потврди дека неговата партија во новиот владин кабинет ќе има двајца вицепремиери - за спроведување на Рамковниот договор и за евроинтеграции, како и министри во ресорите одбрана, правда, економија, животна средина и локална самоуправа.
|
