Гостиварскиот снег во Вардар

Зимската служба на Општина Гостивар, ЈП „Комуналец“ и механизацијата на компаниите ангажирани за зимско одржување на главните гостиварски сообраќајници интензивно работат на расчистување на снегот од улиците и тротоарите. Собраниот снег се фрла во реката Вардар. На тој начин улиците остануваат проодни, а сообраќајот се одвива непречено. Транспортирањето на снегот беше неминовно, бидејќи дебелината на снежната покривка во Гостивар изнесуваше над половина метар и постоеше опасност да се парализира движењето на возилата и на граѓаните. Чистењето на улиците и тротоарите се врши во вечерните часови кога сообраќајот се стопира, а возилата паркирани на улиците и тротоарите се дислоцираат со пајак. (К.К.)