Трето прскање против комарци

Викендот ќе се изврши уште една авионска и терестична дезинсекција против возрасни комарци на подрачјето на Град Скопје. Третото авионско прскање ќе се одвива в сабота и во период од 5,30 до 8 часот. Терестичната аеросолна дезинсекција, пак, ќе се одвива во деновите од понеделник до петок, во период од 1 до 5 часот.

Од Градот соопштуваат дека доколку временските услови не го дозволуваат вршењето на аеросолната дезинсекција, авиодезинсекцијата ќе се изврши во истиот термин следниот викенд, кога ќе бидат поволни временските услови, а согласно со тоа ќе се извршува и терестичната дезинсекција. Истовремено се известуваат пчеларите навремено да ги преземат потребните мерки за заштита на пчелите. (С.Р.)