Иранската новинарка наскоро ќе биде ослободена
ТЕХЕРАН - Иранскиот апелационен суд ја намали осумгодишната казна затвор за американската новинарка со иранско потекло, Роксана Сабери, на условна казна од две години, и таа наскоро ќе биде ослободена, јави вчера нејзиниот адвокат за Ројтерс. Адвокатот на одбраната, Абдолсамад Корамшахи, даде изјава еден ден откако судот го разгледа случајот Сабери. Новинарката беше затворена од понизок суд на 18 април под обвинение за шпионажа за САД, кои се најголем непријател на Иран. „Апелациониот суд ја намали нејзината казна затвор од осум години на две години условна казна, и таа наскоро ќе биде слободна“, јави Корамшахи за Ројтерс. (Ројтерс) |
