Саакашвили негира дека ја обвинувал Русија
МОСКВА - Претседателот на Грузија, Михаил Саакашвили, вчера изјави дека никогаш не зборувал дека има докази за учество на руските тајни служби во неодамнешниот обид за воен преврат во базата Мухровани оддалечена 30 километри од главниот град Тбилиси. Сега не е јасно дали Саакашвили доброволно „се врати во рикверц“ или му дале сигнал менторите од странство. Неоспорно е дека Саакашвили и министерот за полиција на Грузија тврдеа дека во обидот за преврат „вмешале раце руските тајни служби“. Покрај тоа, Саакашвили го повика раководството на Русија да се воздржи од провокација.
По тие настани, во САД, но и во другите западни земји истакнаа дека немаат информации оти Русија учествувала во соборувањето на Михаил Саакашвили од вла��та. На обвиненијата од Саакашвили, во Москва кратко одговорија дека тој би требало да посети лекар.
„Никогаш не сум зборувал дека имаме точни информации за учество на руските тајни служби во организирањето на бунтот во воената база Мухровани. Се колнам дека никогаш не сум упатил погрдни и навредливи зборови за Путин - да го наречам Лилипутанец. Тоа се нечии сплетки. Се колнам дека никогаш не сум рекол ништо навредливо за Путин“, рече Михаил Саакашвили во интервјуто за руското издание на „Њусвик“. (Б.В.) |
