Ето во Јунајтед за 29 милиони евра?
Фергусон сака да потпише со Ето четиригодишен договор за неделна плата од 150.000 фунти
Самуел Ето сигурно ја напушта Барселона и за тоа го известил претседателот Хуан Лапорта. Камерунецот, кој минатата сезона во Примера постигна 30 гола во 36 меча, нема да трча по пари, туку сака реномиран клуб, потврди неговиот менаџер Хозе Мариа Масаљес.
„Сакаме клуб во кој и натаму ќе може да остваруваме успеси и ќе освојува трофеи“.
Тој клуб, според, пишувањето на „Њус оф д Ворлд“ е Манчестер јунајтед кој пратил јасна порака до Ето и Барселона. Имено, англискиот шампион понудил 29 милиони евра. Фергусон сака да потпише со Ето четиригодишен договор за неделна плата од 150.000 фунти.
Покрај во Јунајтед и во Челзи трансфер атмосферата и жешка. Во саботата наутро Цон Тери побарал итен состанок со газдата Роман Абрамовиќ. Темата е неговото заминување во Манчестер Сити. Неизвесноста ќе мора да биде решена до четврток, кога Челзи лета на подготвителна турнеја во Северна Америка. Сити е подготвен да плати за Тери 50 милиони фунти, а англискиот репрезентативец би добивал неверојатни 280.000 фунти неделно.
Со оглед на тоа што Челзи е загреан за доведување на напаѓачот на Интер Златан Ибрахимовиќ, многу е веројатно Абрамовиќ да ја прифати понудата на Сити. Вчера Челзи за Ибрахимовиќ ги понуди Деко, Карваљо и плус 50 милиони фунти.
ФИФА им пораЧа на Бразилците да Ја тргнат верата од теренот
Светската фудбалска федерација (ФИФА) крена голем прав откако им се закани на бразилските репрезентативци поради истакнување христијански симболи. Имено, ФИФА им порача на суперѕвездите вклучувајќи го и Кака да ја тргнат верата од фудбалот. Како што е познато, многу често Кака, Лусио и останатите по постигнат гол го подигнуваат дресот за да се види маичката одоздола на која пишува: „Јас му припаѓам на Исус“. Затоа ФИФА прати писмо до Фудбалската федерација на Бразил во кое потсетува на правилата на однсеување на натпреварите и дека во иднина такви инциденти нема да трпи.
Во Европа постојат многу земји кои сакаат да им забранат на фудбалерите за време на натпреварите да истакнуваат симболи. Генералниот секретар на Фудбалската федерација на Данска, Јим Стјернен Јенсен, дефинтивно е за забрана. „Како што ги забранивме политичките пораки, така треба и верските. Со такво истакнување може да се направи голем проблем кај оние кои не се со иста вера“, смета Хенсен.
Магат: Во Шалке имам работа со физиЧки наЈлошо подготвени фудбалери
Новиот тренер на Шалке, Феликс Магат, призна во разговор за германските медиуми дека Шалке има фудбалери кои не се добро физички подготвени за високи дострели. „Оваа група има сериозен дефицит во смисла на физичка издржливост и кординација. Просечно сите мои досегашни екипи во кои сум работел постигнуваа подобри резултати во тој поглчд“, изјави 56 годишниот Магат. „Претпоставувам де��а работата на физичката подготвеност досега не била приоритет. Но, не сакам да критикувам некого од моите претходници. Тренерите имаат различни видувања на приоритетите“, додаде Магат.
Мика РиЧардс болен од свински грип
Потврдено е дека Мика Ричардс, 21 годишниот фудбалер на Манчестер Сити, е заболен од свински грип. Ричардс се одморал на Кипар и се откажал од доаѓање во Англија бидејќи почувствувал голема слабост со повишена температура. „Не можев да се мрднам, ниту да станам од кревет за нешто да јадам. Пријателите ми носеа сокови и храна во креветот. Мора да признам дека ме фати паника, бидејќи слушав на телевизија дека некои умираат од таа болест“, изјави Ричардс.
Ливерпул го доведе Мавинга
Само неколку часа откако Ливерпул го продолжи договорот до 2012 година со Мароканецот Набил Ал Жар, 22 годишниот играч кој има 19 настапи од кога дојде од Сент Етјен во 2006 година, Рафаел Бенитез успеа да го купи дефанзивецот на ПСЖ Крис Масингва, кој е репрезентативец на Франција до 18 години.
Бекенбауер: НекоЈ лудак Ќе го купи Рибери
Франц Бекенбауер веќе неколку пати се побуни против финансиската ситуација во светскиот фудбал и нереалните цени на играчите. „Сите знаат дека треба нешто да се направи со платите на играчите и трансферите. Не сум сигурен дека „селари кап“ може да помогне, но мора бргу нешто да се случи по тоа прашање. Ова што се случува е лудост. Па ви се молам 80 милиони евра за Рибери. Сите знаат дека тоа е смешно, но знаеме и дека секогаш ќе постои некој лудак кој се расфрла со пари“, посочи Бекенбауер. |
