| Светски рекорд на Пирсол на 200 м грбно
Американецот Арон Пирсол го собори светскиот рекорд на 200 м грбно, победувајќи со време 1:53,08 мин. на националниот шампионат на САД, кој е изборен за американската пливачка репрезентација за претстојното Светско првенство во Рим. Пирсол, кој постави нов светски рекорд и на 100 м грбно во средата, го подобри за 86 стотинки досегашниот најдобар резултат од 1:53,94 мин., со кој неговиот сонародник Рајан Лохте го освои златниот медал во оваа дисциплина на Олимписките игри во Пекинг. Лохте во еден дел од трката пливаше во рамките на светскиот рекорд, но набргу беше престигнат од Пирсол и заврши втор со заостанување од повеќе од една секунда - 1:54,21 мин.
И Пирсол и Лохте изборија место во американскиот тим за мундијалот. |
