Низа културни, забавни, модни и спортски манифестации ќе му се случатѕ на Скопје за време на шестата „Бела ноќ“ што утревечер ќе се одржи.

Во текот на целиот ден предвидени се ликовни изложби, претставување на фотографски проекти, изведби на претстави и музички перформанси, модна ревија, дискоролеријада и хипхопијада, стритбол во Градски парк и одбојка на Градската плажа.

Во Зоолошката градина в сабота ќе настапат многу македонски музички имиња, а за сите посетители влезот ќе биде бесплатен од 7 до 19 часот, додека на скалите во ГТЦ во 23 часот ќе се одржи модна ревија.

Кафулињата и рестораните ќе работат цела ноќ. Во кината „Милениум“ и „Фросина“ од 18 до 6 часот наутро ќе се одржува филмски маратон, а влезот ќе биде слободен.