Дизајнирани чевли-правосмукалка
(02.12.2010г.-10:06ч.) Индонезискиот дизајнер Адика Титут Тријуго осмислил иновативен концепт, кој ќе помогне во домашното чистење.
Изумот ќе овозможи извршување на неколку задачи во исто време. Откако ќе ги облечете овие чевли, ќе имате слободни раце да извршувате други домашни задачи, додека вашите чевли како правосмукалка ќе го чистат подот.
Секој чевел има два ротирачки чистачи, кои ја собираат прашината.
Индикаторите на горната страна на чевелот покажуваат колку нечистотија сте собрале, кога треба да се испразнат и да се наполнат нивните батерии. (МИА)
|
