Ролингстоун

Најголемите рок-кавгаџии

Кавгите во светот на рокенролот не се реткост. Некои од нив настануваат од сосема банална причина, додека некои судири ескалираат поради несогласување кога се во прашање личности со бескомпромисни ставови. Магазинот „Ролингстоун“ состави листа на најголемите рок-кавгаџии.

На прво место се Мик Џегер и Кит Ричардс од „Ролингстоунс“, кои се заедно во бендот уште од 1961 година, но многу вешто ги криеја своите кавги, се' додека не се појави книгата со мемоарите на Кит, „Лајф“.

„Во почетокот на осумдесеттите Мик стана неподнослив. Го сакав, но веќе 20 години немам влезено во неговата гардероба. Понекогаш помислувам дека ми недостасува мојот пријател и се прашувам каде исчезна“, навел познатиот гитарист во својата книга. „Не можете да очекувате вашите односи да бидат постојано исти. Мислам дека нашите разлики се како семејни препирки - ако викам и врескам на него, тоа е затоа што никој друг нема храброст да го стори тоа, или тие не се платени да го прават тоа. Се надевам дека Мик разбира дека сум пријател, кој се обидува да го доведе во ред“, објаснил Кит.

На второ место се Пол Сајмон и Арт Гарфанкел, поради кавгата од средината на осумдесеттите кога Сајмон ги избриша вокалите на Арт од песните што требаше да бидат објавени по повод нивното повторно собирање. По вербалните провокации при влезот на овие двајца музичари во „Куќата на славните, во 2003 година одлучија да направат заедничка турнеја.

На трето место е групата „Аеросмит“, односно проблематичниот фронтмен, Стивен Тајлер, кој покрај проблемите со зависноста, го изнервира гитаристо Џо Пери кога се пријави за судија во реалното шоу „Американски идол“.