|
|
|
|
|
|
|
Тадиќ: Во решавањето на конфликтот да се внимава на стабилноста
23.08.2011, 14:14
Србија смета дека секое решение поврзано за поединечните конфликти на просторот на Југоисточна Европа мора да ја земе предвид стабилноста на регионот и затоа е против преседани, изјави денеска српскиот претседател Борис Тадиќ по средбата во Белград со германскиот канцелар Ангела Меркел.
- Ние денеска се соочуваме со мошне комплицирани прашања, едно од нив е Косово. Србија нема излузии дека може да внесе конфликт во Европската унија и Србија сака да ги реши конфликтите на просторот на Западен Балкан, рече Тадиќ.
Тој оцени дека очигледна стратегија на Приштина е со унилатерални акции да се менува ситуацијата на теренот.
Тадиќ на заедничката прес-конференција со Меркел потсети на актите на насилство во 2004 година, кои ја измениле етничката структура на Косово. - Србите повеќе не живеат таму каде што живееја пред прогонот, нагласи претседателот на Србија.
Тадиќ истакна дека Србија очекува јасен став од ЕУ. - Неприфатливо за нас е да се наградува оној кон спроведува насилство, додаде Тадиќ.
Тој нагласи дека Србија сака да продолжи со дијалогот и оти само преку дијалог може да се постигне долгорочно и одржливо решение.
- Србија сака решение, не сака да го замрзне конфликтот. Сака слободен промет на стоки и услуги. Но го чува својот интегритет и има свој Устав и правни начела, рече Тадиќ.
Меркел, пак, истакна дека Германија се противи на еднострани потези во решавањето на косовскиот проблем.
Таа на прашањето да даде коментар на најавите на Приштина дека пред продолжувањето на дијалогот со Белград може да преземе одредени чекори на северно Косово, одговори дека треба да се спречат еднострани чекори.
- Германија сака дијалогот да продолжи и резултатите да произлезат од тие разговори и со тоа да се намали опасноста од еднострани чекори, рече Меркел.
Таа потенцира дека Германија сака Србија да стане членка на ЕУ. - Верувам дека местото на Србија е во Европа. Признаваме и се заблагодаруваме на храброста покажана на тој пат, истакна Меркел.
Германската канцеларка денеска престојува во прва официјална посета на Белград
|
#
|
|
|
Статијата е прочитана 232 пати.
|
|
|
|
|
|
|
| Од: Nee prob. so Grcija, tuku so ON vs RM |
| Датум: 23.08.2011 14:51:19 |
|
| Сега Република Македонија само треба да иницира Нацрт резолуција на Генералното Собрание на ОН со која се поставува прашање „дали се специфични услови за приемот на МК и статусот се во согласност со Повелбата на ОН (чл. 2 и чл. 4). Инаку ние можеме, во случај на потреба, да дадеме изјава во која сметаме дека делот од Времената спогодба, во врска со референцата/преговорите ги третираме како спротивни на Jus cogens и според тоа за нас се без правно дејство, појаснува тој.
Со други зборови, како што потенцира Јанев, нема правни препреки од каков било вид преку Собранието на ОН да се побара советодавното мислење од МСП за легалитет на дополнителните посебни услови, надвор од член 4(1) на Повелбата. - Единствено на тој начин можеме да го воспоставиме уставното име Република Македонија во ОН. Мислењето се бара од Генералното собрание на ОН до Суд со просто мнозинство од присутните и кои гласаат..., истакна проф. др. Игор Јанев
|
|
|
|
|
|
|
|
|
