Чавиќ го победи Фелпс во квалификациите
Српскиот пливач Милорад Чавиќ се пласира во полуфиналната трка на 100. метри пеперутка, откако во квалификациите победи во деветтата група со резултат 50,76 сек., што е нов олимписки и државен рекорд. Чавиќ во квалификациите триумфираше пред неверојатниот Мајкл Фелпс (50,87) и Украинецот Андреј Сердинов (51,10).
Со овој настап Чавиќ докажа дека бил во право кога се откажа од настапот во полуфиналето на 100 м. слободен стил, иако избори пласман, со образложение дека ги чува силите и концентрацијата за судирот со Фелпс на 100 м. пеперутка.
|
