Петмина повредени при изградба на „Сити мол“

Петмина работници се повредени при изведба на градежни работи на трговскиот центар „Сити мол“, кој се наоѓа во скопската населба Карпош 4. Според првичните информации, несреќата се случила во саботата при пад на плоча. Еден од работници се здобил со потешки повреди и е задржан на лекување во Градската болница „8 Септември“. Четворицата работници, кои за среќа поминале само со полесни повреди се пуштени на домашно лекување. Полицијата вчера не обелодени повеќе детали за тоа како се случила несреќата, а се' уште не се познати ниту причините што ја предизвикале. Засега не се знаат ниту резултатите од увидот на трудовата инспекција и каде таа ги лоцира причините за несреќата. (Х.Р.)