Тетовци продавале ладно оружје на тезга

Двајца тетовци на улица продавале метални боксери и друго ладно оружје, што со закон е забрането. Полицијата најнапред го открила И.А. (42) од Тетово, кој на улицата „Беличица“ поставил импровизирана тезга. Полицијата кај него пронашла 12 метални боксери, три пендреци на расклопување и четири ножеви. Речиси во исто време на зелениот пазар во Тетово со иста дејност се занимавал и Х.С. (47). Кај него биле пронајдени дури 25 метални боксери, девет пендреци и уште осум ножеви со различна намена. Двајцата биле приведени во полициската станица во Тетово. (Г.Е.)