УБС: Координиран банкрот на Грција можен е до 2013 година

Аналитичарите на банката оценуваат дека и покрај новиот кредитен договор, економската криза во Грција и веројатноста од банкрот и понатаму се присутни

Координиран банкрот на Грција можен е до 2013 година, прогнозира швајцарската банка УБС.

УБС предвидува дека многу скоро ќе има втор банкрот на Грција и оти нужно ќе биде да се отпишат нови обврзници, како и оти во новото преструктурирање на долгот ќе треба да учествува и така наречениот официјален сектор, а не само приватниот.

Аналитичарите наведуваат и дека „првата корекција на сегашната шема за отпишување на долгот се очекува да биде направена во следните шест месеци“.

- Заклучуваме дека е нужно дополнително преструктурирање на грчкиот долг, што се однесува на двостраните кредити - заемите за Грција од европските земји и на новите обврзници, издадени за отпишување на долгот. Вториот спасувачки пакет се заснова на нереални прогнози за Грција, посочуваат аналитичарите од УБС.