Адел освои 12 награди, но ја немаше на церемонијата



Апсолутна ѕвезда на вечерта беше ќерката на починатата Витни Хјустон, Боби Кристина Браун, која ја прими специјалната награда Милениум, во име на својата покојна мајка

Апсолутна рекордерка според бројот на освоени награди на „Билборд“, годинава е Адел. Таа е победничка во 12 категории на овие престижни музички награди, од вкупно 18. номинации што ги имаше нејзиниот албум „21“. Сепак, пејачката не се појави на синоќешната церемонија во лос Анџелес.

Интересно е дека Џастин Бибер освои само една награда и тоа за најдобар пејач на социјалните мрежи.

Апсолутна ѕвезда на вечерта беше ќерката на починатата Витни Хјустон, Боби Кристина Браун, која ја примил специјалната награда Милениу��, во име на својата покојна мајка. На сцената ја испрати нејзиниот посвоен брат, Ник Гордон.

На доделувањето настапија: „ЛМФАО“, Крис Браун, Кети Пери, Џастин Бибер, Ашер, „Линкин парк“, Нели Фуртади и други.

Дуото „ЛМФАО“ освои две награди за песна на годината,“Party rock anthem” и најдобра група, заедно со уште четири признанија. Британскиот бенд „Колдплеј“ освои четири награди: за најдобар рок и алтернативен изведувач и албум во истите категории. За најдобар нов изведувач прогласен е Виз Калифа.