22.05.2012, 14:10 Анастасија Богдановски 56. во Европа на 100 м слободно
Единствениот учесник од Македонија на шампионатот го освои првото место во својата квалификациска група со време од 59,70 секунди, но тоа е далеку од олимписката норма 56,48 сек
Анастасија Богдановски го освои 56. место во конкуренција на 61 пливачка на 100 метри слободно на Европското првенство во унгарскиот град Дебрецин. Единствениот учесник од Македонија на шампионатот го освои првото место во својата квалификациска група со време од 59,70 секунди, но тоа е далеку од олимписката норма 56,48 сек.
До крајот на првенството Богдановски (19) ќе настапи в петок на 200 м слободно и в сабота на 50 м слободно. Таа живее во Њу Џерси, САД, и е македонска рекордерка на 50 и 100 метри слободно. (Р.Д.)
|
