21.05.2012, 11:13 Русија светски шампион во хокеј на мраз
Русите во големото финале на СП во Хелсинки ја совладаа Словачка со 6:2
Репрезентацијата на Русија синоќа во „Хартвал Арена“ во Хелсинки со 6:2 ја победи Словачка во финалето на Светското првенство во хокеј на мраз кое изминативе две недели се одржуваше во Финска и Шведска. Резултатот по третини беше 1:1; 3:0 и 2:1.
Оваа победа беше вкупно десета во исто толку натпревари за руските хокеари на Мундијалот, што значеше вкупно 26 шампиОнски трофеј и прв по пауза од три години.
Во натпревар за третото место Чешка ја победи Финска со 3:2 и стигна до бронзениот медал. По третини резултатот изнесуваше 3:1; 0:0 и 0:1.
|
