21.05.2012, 14:54 Монпелје прв пат првак на Франција
Монпелје првпат во својата историја се закити со титулата француски фудбалски шампион откако во последното коло го совлада Оксер со 2:1
Од 1919 година, кога е основан клубот, витрините сега ќе бидат украсени со уште еден пехар по тој од 1990 година, кога го освоија Купот на Франција.
Неизвесност околу новиот првак постоеше во поголемиот дел од дуелот со Оксер. Монпелје и со пораз ќе станеше шампион, но во тој случај и најголемиот конкурент Пари Сен Жермен мораше да загуби од Лориен.
И на двата меча постоеше навивачка нетрпеливост, а на средбата во Монпелје дојде и до 15-минутен прекин поради фрлањето тениски топчиња на теренот од страна на домашните навивачи. Испадите продолжија и во понатамошниот тек на натпреварот, по што полицијата беше принудена да го испразни тој дел од стадионот.
|
