Али Агџа го обвини Ватикан за атентатот

Рим - Турскиот државјанин Мехмет Али Агџа изјави дека во атентатот врз некогашниот папа Јован Павле Втори во 1981 година не се вмешани американската Централна разузнавачка служба (ЦИА), советското КГБ или други тајни служби, а бугарската трага во случајот била намерно создадена со цел да се уништи Советскиот Сојуз, пишува италијанскиот весник „Куотидијано национале“. Агџа, кој на 13 мај 1981 година изврши обид за атентат врз пап��та Јован Павле Втори, го обвини Ватикан за организирање на нападот.

Во интервјуто за турската државна телевизија Агџа го обвини тогашниот државен секретар на Ватикан, Агостино Казароли, дека е мозок на операцијата за убиство на папата. (МИА)